Ідэя стварэння малюнкаў для саколак з’явіліся невыпадкова. У нашай краіне цяпер шмат увагі надаецца сімвалічным формам аднаўлення беларускай ідэнтычнасці, паважлівага і ўважлівага стаўлення да нашага ўласнага досведу, спадчыны, кропкі погляду на свет. У Беларусі атрымалі новае жыццё і распаўсюд стужкі, моўныя курсы, культурныя падзеі – і гэта вельмі важна і своечасова.
На саколках жа людзі звычайна друкуюць прыгожыя вобразы і важныя думкі, каб паказаць сваё стаўленне да жыцця і зацікавіць людзей навокал тым, што істотна для чалавека.
Менавіта з-за гэтага мы вырашылі “выпусціць” сабраныя за лета 2015 года цытаты на волю: на вуліцы беларускіх гарадоў і вёсак на ўсеагульнае абмеркаванне, надрукаваўшы іх на нашай штодзённай універсальнай вопратцы – саколках.
Камусьці наша ідэя можа падацца трывіяльнай, але для нас менавіта такі фармат – гэта і сучасна, і нечакана, і модна
Узоры саколак
«Народнае – А, што маем, тым прымаем! (2)»
Павел Семчанка
«А. Петрашкевіч – Словы злятаюць – напісанае застаецца (2)»
Павел Семчанка
«М. Багдановіч – Жывеш не вечна чалавек – перажыві ж у момант век! (2)»
Алег Усціновіч
«У. Дубоўка – Вароты павінен зачыняць той, хто іх першы пабачыць расчыненымі»
Артур Вакараў
«М.Жбанкоў - Вайна культур - трэнінг для пачаткоўцаў. Мы пойдзем далей»
Алена Дашкевіч
«М. Шагал – Дасканаласць – гэта амаль смерць»
Алена Дашкевіч
«Л. Сапега – Вайну пачаць можна, але канец вайны ў руках Боскіх (1)»
Алег Усціновіч
«А. Смоліч – А калі ўзыйсьці на каторую з вежаў, што высяцца над высокім местам, дык воку адкрываецца шырокі від на Менск і прадмесьці (3)»
Міхал Анемпадыстаў
«У. Арлоў – Яшчэ нікому не ўдавалася закратаваць вакно памяці (2)»
Алег Усціновіч